تبلیغات
چریکه - ... یه‌ک چۆڕ چیرۆک
چریکه
( خوێندکارانی تامه‌زرۆی وێژه‌ " ئه‌ده‌بیات" : زانکۆی په‌یامی نووری سه‌رده‌شت )
 

رۆژێک بوو ... حه‌وت رۆژ نه‌بوون ، سه‌ر زیواره‌ی سۆڵبه‌ندان ، کاتی مرۆڤه‌کانی ، به‌ستبووه‌ به‌ په‌ت ... هنا ، هه‌نیسک ، هه‌ور ، هه‌ڕشانه‌وه‌ ، ده‌نکه‌ به‌فریان له‌ چڵی داره‌کان ده‌کرده‌وه‌ ده‌یان مژی .

شه‌وێک بوو ، حه‌وت شه‌و ون بوون ، مناڵه‌کان رووت و قوت کۆڵبه‌ندیان پڕکرد و لێیان دا بۆ شاخ . مانگ ماندوو بوو ، هه‌ستێره‌ سیس و مانگ خۆی ته‌کاند . خۆر ده‌ستی له‌ پشته‌وه‌ قوچاند و فیتووی لێده‌دان ، ئیتر ، داره‌کان بنچینه‌یان هه‌ڵفڕاند و خوزاره‌کان له‌بن خۆڵدا نیان بوون . نه‌ سپی ... نه‌ ره‌ش ... نه‌ بۆر ، هه‌ر شائاوێنه‌ راست بوو که‌ هه‌ڵپڵوسکا  . مناڵه‌کان هه‌ر رویشتن و هه‌ر نه‌گه‌یشتن ، روویان کرده‌ سپیایی فه‌له‌ک ، نه‌ پۆیان دی نه‌ گه‌مه‌ ، نه‌ وچانێک نه‌ ... هیچیان نه‌دی . ده‌مێکی قاروونیان برده‌ داهاتوو ... رابردوو هه‌ر بۆ ئێستا ... ئائێنه‌ وشک بوو . سه‌رده‌می سه‌هۆڵبه‌ندان بوو . خوێن خۆی ده‌مشت . ده‌ژیه‌وه‌ . کات به‌ روخساری هاڤی مه‌ڵامه‌تانی ده‌نووسیه‌وه‌ . خات ماف ، لاجار نه‌شکاو ، رزێو و پیس و ... هه‌ر بێده‌نگ بوو . دڵۆپ دڵۆپ شیشه‌ قه‌رۆناویه‌کان له‌ مه‌مکه‌کان ده‌چۆڕانه‌وه‌ . دوچکه‌کان خه‌یاڵیان له‌ سێداره‌ی کادیان ده‌کرده‌وه‌ . ساڵی به‌فره‌ زۆره‌که‌ بوو ، مرۆڤ بوو به‌ راوچی گه‌ڕنیکانی ئه‌نیک ، ناوچه‌ ساو بووه‌ . هێندێک رۆژ و هێندێک شه‌و ، دنیا ده‌وران ده‌ورانه‌ ، خه‌سوو بووکی برده‌ کانی ، تینووی هێنابووه‌ بووک خه‌سووی نه‌بردیش تینووی راگرت ، هیچیان نه‌یانده‌زانی کانیه‌که‌مان دێڵ بووه‌ . بیره‌وه‌ری له‌ پته‌وترین سه‌هۆڵ نووسرابوو ، که‌س نه‌یزانی بۆ چی هه‌ور که‌وتووه‌ته‌ زک کردن ...

2 خه‌و بوون 1 یوسف ، دوو وه‌رزین بوون و ته‌نیا یه‌ک وته‌ ، نه‌ختێک فرۆید ، هاتن و هووته‌کان ره‌شتر بوونه‌وه‌ و ... کات هات و کلکی راوه‌شاند .

رۆژێک بوو و حه‌وت رۆژ نه‌بوون ، وابزانه‌ سۆڵبه‌ندانێک بوو و نه‌بوو .

 

سروه‌ که‌ره‌می ( کازیوه‌ )





چه‌شنی بابه‌ت : چیرۆک، 
ئه‌تیکێت :




 
ناسنامه

چریکه‌ :کانوونی ئه‌ده‌بی زانکۆی په‌یامی نووری سه‌رده‌شت ، به‌ خێر بێن بۆ ماڵپه‌ڕی خۆتان تکایه‌ به‌ بیرو ڕا و بۆچوونه‌کانتان یارمه‌تیده‌رمان بن

کۆبوونه‌وه‌کانی کانوونی ئه‌ده‌بی چریکه‌ دووشه‌ممانه‌‌ کاتژمێر 11:30 له‌ پۆلی102 زانکۆی په‌یامی نووری سه‌رده‌شت ده‌گیرێن .



به‌رێوه‌به‌ر : ئه‌ندامانی کانوونی ئه‌ده‌بی

هاوڕێکان
Online User
سه‌ردانه‌کان
گشت سه‌ردانه‌کان:
سه‌ردانه‌کانی ئه‌مڕۆ :
سه‌ردانه‌کانی دوێنێ:
سه‌ردانه‌کانی ئه‌م مانگه‌ :
سه‌ردانه‌کانی مانگی رابردوو :

دانشجویان کرد دانشگاه زنجان